Ipejokin Museveni Katakwi Imoi

Aputo ke aPapa Anukur

Aparan na emukuga erai elap Orara 12th, 2019, ebeit President Yoweri Museveni aipejokin edistrikt lo Katakwi.

Aparan ngin ebeit asuban ajaun kanu ainumunum aparan na iyitununere abuton Epel, papake kana kolo arai agwoikiton angor nuko Katakwi kotoma airabet, Maj Jessica Alupo Epel.

Acie kotoma ainapeta nu ebeit ajaikin ngesi papa akwap wok (Uganda) aitigogongor akiro nu ebeitor apugan airop ikalia itunga lu kolo opotu otwakata aparasia nu elongilong lo Ikaramoja. Ebeit bobo epresident alimor iyemuto lu atiakuno na ebuku loitetet loko Katakwi, imwaunete kwan ibukui 3 edukutos Katakwi distrikt (imoriaritos; Usuk, Toroma ka Katakwi).

Konye ejasi ngun da, ejaasi icie itunga lu ibusakinit aitur aparan ngin kotoma asuban.

Ediope kakesi ngesi Papa Anukur John Robert. Lu ipu ejenete ngesi, icie epuputotor naarai ililingit Anukur elope konye korai eingarenon lo apol agogong aparasia nu ajar elongilong Teso.

Aparasia nu ejanakina kwape LC 4, Papa Anukur ngesi ediopet kotoma engarenok lu kolo ecasitos kanu atiakuno naka Katakwi district, kede aimo iwaitin lu apwakun aipuc kidding Iteso ka Ikaramoja, iswamanara nepepe kede na arai agwoikiton angor kotoma Constituent Assembly, Grace Akello, Papa Stephen Ilemukorit, John Robert Ekongot, Maj Jessica Alupo keda Icie da.

Mam Papa Anukur arai etunganan lo ebitiono kede aomision, mam egangit adio aomisioit na ecamusana. Aparasia nu epojokina President Museveni Katakwi okaru ngul, abu Papa Anukur kotoma oirior ke isinyikoik epresident aitogogongor eikoru lo Katakwi ka Karamoja nepepe ka aitopoloror akiro nu ayuara na Iusuko kane ejaasi angatak.

Itupak ijo eijanakine ke, etopolorit anukur aimorikina na eiswamae kidding na engarenok keere kotoma aparasia kangun. Obu elope iyengu kotoma akiro nuka apugan (politiks) kosodi elope asalakin iboiyei kede angosibib ke.

Lo iwadikat: Augustine Otuko.