Adutaki Apugan Katakwi 155M

Ejai einer lo ebakai ebe "Aisumunet Erai Apesen."

Aparasia nu esupere aseets kanu aseo na ekaru 2016, engarenok lu opotu ijilulunos kanu agwoikit Katakwi ko Airabet kesi esumunitos itunga ebe alosete kesi akodakin kede apugan kanu awanyun ebe itunga luko Katakwi kesi elakuno kotoma obakor.

Itunga luko Katakwi ikosiete Ajosi kede engarenok kec ibiyan.

Aparan na bian erai 5, 5, 2019, imemban lu airabeit (Violet Akurut na egwoikit Angor ko distrikta, Joseph Koluo lo egwoikit ebuku Toroma, Peter Ogwang lo egwoikit ebuku Usuk ka Walter Elakas Okiring- Ongimakol lo erai LCV) kesi opotu isiriengutu angor nu lem ibumakina kogurupun lu egelegela anatar edistrikta keere kede ikapun lu igangitor kesi apugan.

Apugan kotoma oyapiesi lo ekirigi ngesi ejukaki igurupun lu angor ikapun imilionin 155 kanu aikeun ejautene ko okalia kec.

Violet Akurut ngesi abala ebe ikapun lu akorakin angor kesi eraasi lu mam ebeit aitac, kosodi aicorakin angor aimor aomisio kanu ajenun eipone lo imedaikinatar kesi agangat.

Igurupun lu emedaunak kesi elomunitos kotoma otemwan luko Kapaujan (igurupun 6), Omodoi igurupun 6) Akoboi igurupun 6) Ongongoja igurupun 7).

Lo epolokit akiro nu apol ko distrikta, Ejakait Philip Opio ngesi obu icorak angor nu emedaunak aitwasam ikapun kotupitos eipone lo elipitotor kesi apugan aigangia kesi.

Peter Ogwang, lo da bobo erai apolokiton eyaetene lo ainapeta kotoma airabet nakapolon, ngesi obu icorak itunga araut lu igangete ainapeta nu apugan nu alemar ibakor kane ejaasi itunga.

Kosodi Koluo Joseph Andrew MP Toroma ngesi obu icorak itunga lu obuku Toroma ka Katakwi keere aigang epate loka NRM karai ekotosi aiyatakin aimedaunun kotoma ainapeta nuka apugan.