Ebeit Aitac Lu Erurwo

oApugan ngesi etodoliki aimony na itunga kalu o'Katakwi kanu aitac ikalia lu opotu otwakiasi ipajan kec kotoma aparasia nu erurwo

President Yower Museveni ngesi etigogong ebe ebeit Apugan airop ikalia lu opotu otwakiasi ipajan kec kotoma aparasi nu erurwo lo Ikaramoja ko Katakwi district.

Iriamun kede aibunget na engarenok luko Katakwi erai na emukaga Orara 5th, 2019 ko Rwakitura, epresident ngesi obu omor aiturur kede ikalia lu opotu ikec itunga otwakata ko otemwan luko Ngariam, Magoro keda Palam erai okaru lo 1998 kede 2001 ne edikor engasit loka ikaramoja.

Itunga lu edparitos 200 kesi opotu ikaramoja oyarata kocalo loko Opeuru Aodot kosede amiar akituk nu edeparitos 2,000.

Epresident ngesi obu iyatak aitigogongor ainapeta nu ebeitor apugan adukokin esomero loka Secondary lo iyitununere abutok lu engeso ne ejai etimu lo engarenikit MP lo obuku Usuk, Hon Peter Ogwang.

Eidicane Iteso kede Ikaramoja

Elongilong kede amamus acamanara kidding Iteso kede Ikaramoja ngesi mam lem esipo kanu erurwo kangol.

Okaru 2004-2005, Iteso lu ejaasi Katakwi kesi ageutos akapakin ainapeta nu ainyang eyarit lo obu ojalak Iusuko elilim itau.

Iriongeta lu egelegela lu Ojokotau kede engarenok lu apugan kotoma adoketa kere kesi opotu irimokisi aicor itunga kotoma atekerin kanu (Iteso kede Ikaramoja) apuconor.

Okaru lo pac atubor (Osuban 17th-19th, 2018), Atekerin nu Iteso nu egelegela aimoriarit Ikaramoja kesi opotu otukokinos obooma Kumi ainumunum aparan na Ateker.

Kotoma asuban, Emorimor Papa Iteso Augustine Lemukol Osuban ngesi obu omonyak ateker aitopolorit aminanara kwape ateker Apei.

“Ibunit kolo oni nepepe Abisinia kwape Ateker adiopet. Enyekikisi atiaktiaka bala mam oni ijena….” Enera Emorimor.

Lo aria epejonon lo angosibib President Yoweri Museveni ngesi obu iyatak ailip Ateker Iteso aitopolori eipamorane kwape ipei.